Mot jostabil, me shi dhe bubullima

Moti sot pasdite në Maqedoni do të jetë jostabil, në shumë vende me reshje të rrëmbyeshme dhe me bubullima. Lokalisht proceset do të jenë më intensive në formë të motit të lig me reshje lokale, erë të përforcuar dhe dukuri të breshërit.

Temperatura maksimale do të lëvizë prej 24 deri 31 gradë.

Në Shkup dhe rrethinë pasdite do të mbajë mot jostabil me reshje të rrëmbyeshme dhe bubullima. Edhe sot do të ektë kushte për dukuri lokale të breshërit. Temperatura në Shkup do të arrijë 28 gradë Celsius.

Nesër dhe të mërkurën do të mbisundojë stabilizim kalimtar i motit, me diell dhe ngrohtë. Temperatura nesër në vend do të lëvizë prej 26 deri 33 gradë, ndërsa në Shkup deri 30 gradë.