Januzaj debuton për Belgjikën

Super talenti shqiptar, Adnan Januzaj edhe zyrtarisht tashmë është pjesë e Kombëtares së Belgjikës.

Mesfushori shqiptar i Manchester Unitedit shënoi paraqitjen e parë për kombëtaren e Belgjikës, e cila deklasoi Luksemburgun (5:1).

Adnan Januzaj ka lënë përshtypje shumë të mira në paraqitjen e tij të parë për kombëtaren e Belgjikës në futboll. Mesfushori i Manchester Unitedit luajti në 45 minutat e dytë, gjatë sfidës që ekipi belg e fitoi bindshëm ndaj Luksemburgut (5:1).

Belgjika është duke u përgatitur për botërorin, Brazili 2014, ndërsa Januzaj konsiderohet përforcimi më i madh i ekipit për këtë garë.