Majami shumë pranë finales në NBA

Majami është shumë pranë finales së madhe në NBA ligën profesioniste të basketbollit amerikan, pasi në ndeshjen e katërt të finales së Lindjes ka shënuar edhe fitoren e tretë përballë Indiana Pejsers. “Hitsat” mbrëmë vonë shënuan fitore me rezultatin 102:90, duke thelluar në 3:1 avantazhin e përgjithshëm.

Në këtë mënyrë, të mërkurën, skuadra nga Florida ka “mattch point-in” e parë për të prerë biletën e finale së madhe të NBA. E gjithë merita për këtë sukses shkon te i shkëlqyeshmi LeBron Xhejms që mbrëmë numëroi deri në 32 pikë, 14 prej të cilave në periudhën e tretë ku “Hitsat” dominuan në çdo centimetër të parketit.

Një bonus i madh për kampionët në fuqi është edhe rilindja e Kris Bosh i cili me 25 pikët e shënuara paralajmëroi rikthimin e tij pas problemeve në tre ndeshjet e para. Në kampin kundërshtar, Poll Xhorxh ishte më i spikaturi duke shënuar 23 pikë, ndërsa David Uest shtoi edhe 20 të tjera.

Në mbremjen e keqe në “American Airlines Arena”, Indiana regjistroi shifra që i ngjajnë një skuadre amatore, pasi humbi në total 14 topa me Lance Stefenson dhe Poll Xhorxh, të cilët ishin nën hijen e mbretit Xhejms. Nëse arrijnë që të kualifikohen për në finalen e madhe të NBA-së, LeBron Xhejms së bashku me shokë kanë mundësinë të barazojnë rekordin e Bostonit të Leri Bird për të siguruar finalen e katërt rradhazi.

SAMI ADEMI