Koreja e Veriut: raketa e testuar mund të bartë një kokë me mbushje bërthamore

Sipas Penianit, raketa balistike ka aftësinë për të mbajtur edhe kokë me mbushje bërthamore. Mediat shtetërore të vendit komunist njoftojnë se raketa “Hwasong-12” ka arritur aftësi prej mbi 2100 km dhe ka fluturuar për 787 kilometra.

 

Pas  testimit të suksesshëm të kësaj rakete balistike, Peniani ka bërë një apel tjetër për shtetet e bashkuara që të mos provokojnë më duke iu thënë se toka amerikane dhe operacionet e Uashingtonit në oqeanin Paqësor janë që të gjitha brenda rrezes së raketës balistike.

 

“Autoritetet e Koresë së Jugut dhe ShBA-të kanë ndarë informacionin e njoftimit të Koresë së Veriut për lartësinë dhe distancën e lëshimit të raketave balistike të djeshme. Megjithatë, ne mendojmë se nevojiten më shumë analiza për të verifikuar pretendimin e Koresë së Veriut se ajo ka arritur përparimin teknik dhe ka siguruar një motor të besueshëm",- deklaroi zëdhënësi ushtarak i Koresë së Jugut, Roh Jae-cheon.

 

Raketa koreano-veriore raportohet të ketë një trajektore me lartësi të pazakontë nga sipërfaqja e tokës, gjë që dëshmon se mjeti i vënë në provë mund të ketë qenë raketë e re me dy etapa lëshimi, e cila arrin distanca deri në 4.500 km.

 

Por, derisa Koreja Veriore i gëzohet testit të suksesshëm raketor, Shtetet e Bashkuara të Amerikës dhe Japonia kanë kërkuar mbledhje urgjente të Këshillit të sigurimit të OKB-së. Japonia dhe SHBA-të pritet të kërkojnë shtimin e sanksioneve ndaj Koresë së Veriut në mbledhjen që pritet të ndodh nesër.