Rohani, për herë të dytë president i Iranit

Hassan Rohani është zgjedhur për herë të dytë president i Iranit, bën të ditur ministri i Brendshëm në Teheran, duke prezentuar rezultatin e zgjedhjeve.

 

Sipas rezultateve paraprake, Rohani ka marrë 56.3 % të 42 milionë votuesve, duke mundur konservatorin Ebrahim Raisi me 38.99%.

 

Në këtë mënyrë konfirmohet edhe konsensusi popullor mbi marrëveshjen bërthamore të firmosur nga Rohani, që çoi në fundin e sanksioneve.

 

Kandidati tjetër konservator, Mostafa Mirsalim, ka marrë 1.14% të votave, ndërsa kandidati reformist Mostafa Haschemi Taba, që kishte ftuar mbështetësit e tij të votonin Rohanin, morri 0.53%.