Botë
Sulmi në Arenën “Mançester”, “MI5” nis hetimin përse Abed shëtiste pa kontroll
29.05.2017 14:08
Shërbimi sekret britanik “MI5” po zhvillon një hetim për të shqyrtuar se si autoritetet vlerësuan paralajmërimet se kamikazi i Manchesterit, Salman Abedi, përbënte kërcënim...
Sipas raporteve të mediave, kishte të paktën tre paralajmërime për pikëpamjet e tij ekstremiste që nuk u morën parasysh.
“MI5” do të përpiqet të zbulojë nëse agresori u anashkalua, ndërsa po përgatitet edhe një raport i veçantë për ministrat dhe ata që mbikëqyrin punën e shërbimeve të sigurisë.
Gjatë kohës kur Abed studionte në Kolegjin e Manchesterit, policia mori telefonata që paralajmëronin për pikëpamjet e tij ekstremiste.
Ndërkohë, në kuadër të hetimit për sulmin, policia britanike arrestoi një person tjetër gjatë ditës së sotme.
Plot 7 fëmijë ishin mes 22 viktimave të sulmit në “Arenën Manchester”, ku Abedi hodhi veten në erë pas koncertit të këngëtares amerikane, Ariana Grande, më 22 maj.