Rasti “Talir”, Gjykata Penale sërish refuzoi kërkesën e PPS-së

Këshilli Penal për krim të organizuar dhe Korrupsion pranë Gjykatës Penale për herë të dytë refuzoi kërkesën e Prokurorisë Publike Speciale për ngrirje të pronës së paluajtshme të VMRO-DPMNE-së, përfshi edhe selinë partiake.

 

Gjykatësi i procedurës paraprake ka refuzuar kërkesën me arsyetimin se nuk ka prova të mjaftueshme se prona e partisë është financuar në mënyrë të kundërligjshme dhe se PPS nuk ka dhënë dëshmi se është kryer donacion nga Kompania “Beton”. Goran Boshevski, Lenka Davitkova dhe Verka Petkovska janë gjykatësit e radhës që për herë të dytë kanë refuzuar kërkesën e PPS-së. Gjatë refuzimit të parë të kërkesës për ngrirje të pronës, gjykata ka thënë se nuk kanë  transkript nga bisedat e përgjuara. Lideri i VMRO-DPMNE-së, Nikolla Gruevski, është i dyshuari i parë në rastin e fundit të hapur nga PPS nën emrin “Talir” e që ka të bëjë me financimin e paligjshëm të partisë së Gruevskit, me anë të shpëlarjes së parave, keqpërdorim të detyrës dhe autorizimeve. 

 

Ndryshe, PPS kërkoi ngrirje të pronës pasi që ligji për financimin e partive nuk lejon që donator i partisë të jetë kompania e cila ka fituar tender nga shteti, siç është rasti me Kompaninë “Beton”.