Turqi, arrestohet kryetari i “Amnesty International”

Taner Kiliç dhe 22 avokatë të tjerë janë arrestuar në provincën e Izmirit. Të gjithë janë të dyshuar se kanë bashkëpunuar me organizatën e Gylenit. Sekretari i përgjithshëm i “Amnesty International” ka dënuar këtë veprim të autoriteteve turke.

 

“Taner Kiliç ka një përvojë të gjatë për të mbrojtur pikërisht liritë që autoritetet turke tani kanë për qëllim të shkelin”,- është shprehur Salil Shetty.

 

Nga ana tjetër, autoritetet turke e kanë konsideruar të nevojshëm arrestimin e tij në lidhje me hetimet për grushtin e dështuar të shtetit për të cilin presidenti Erdogan e fajëson Gylenin.