BDI dhe Aleanca me marrëveshje për eshalonin e dytë dhe të tretë

Bashkimi Demokratik për Integrim dhe Alanca për Shqiptarët jo zyrtarisht mësojmë se kanë arritur marrëveshje për ndarjen e posteve në në eshalonin e dytë dhe të tretë, ndërkohë mësohet se votimi i zv/ministrave të rinj do të bëhet të mërkurën. 

 

Partnerët e Koalicionit janë marrë vesh BDI-së ti takojnë zv/ministrat e Mbrojtjes, ministrisë së Brendshme, asaj të Financave dhe të Arsimit, ndërsa Aleancës për Shqiptarët ti takojnë zv/ministri për Punë dhe Politikë Sociale dhe ai për Transport dhe Lidhje. Sa i përket sekretarëve shtetëror 4 do i takojnë BDI-së dhe atë në Mistrinë e Kulturës, Ministrinë e Bujqësisë, Sekretariatin për Marrëveshjen e Ohrit dhe në Ministrinë e Shoqërisë Informatike.  Aleancës për Shqiptarët do t’i takojnë 2 sekretarë shtetëror të cilët jo zyrtarisht do të jenë një sekretar shtetëror në Ministrinë e Punëve të Jashtme dhe tjetri në Ministrinë e Drejtësisë.