Ministri Sadulla Duraku realizoi takim me ambasadorin e Shqipërisë, Fatos Reka

 

Ministri Duraku theksoi se Maqedonia dhe Shqipëria kanë nënshkruar disa marrëveshje bilaterale në fushën e ambinetit jetësor që është dëshmi për bashkëpunimin e ndërsjellë.  Sipas tij, me rëndësi të veçantë është avancimi i bashkëpunimit bilateral në pjesën e menaxhimit të ujit në mes Republikës së Maqedonisë dhe Republikës së Shqipërisë. Në procedurë është  edhe firmosja e marrëveshjes mes Qeverisë së Republikës së Maqedonisë dhe Këshillit të Ministrave të Republikës së Shqipërisë për marrëdhëniet reciproke në menaxhimin e burimeve ujore ndërkufitare.

 

Ambasadori Reka uroi ministrin Duraku për zgjedhjen e tij në krye të ministrisë së Ambinetit Jetësor dhe Planifikimit Hapësinor dhe njëherit shprehu gatishmërinë për thellimin e bashkëpunimit të ndërsjellë në mes dy vendeve dhe njëkohësisht potencoi se është i nevojshëm intensifikimi i bashkëpunimit në realizimin e projekteve të përbashkëta.