Itali, shpëtohen në det 2500 migrantë

Rreth 2,500 migrantë, që përpiqeshin të kalonin nga Mesdheu në Evropë, janë shpëtuar gjatë ditës së djeshme, ka bërë di ditur Roja bredgetare italiane.

Shumica e 2,500 migrantëve u shpëtuan në 18 operacione të ndara. Organizata Mjekët pa Kufij tha se mbrëmë vonë, “e kanë shpëtuar një barkë gome të mbushur me njerëz të tmerruar”.

Njëherësh, Roja bregdetare e Libisë dje i ka kapur 906 migrantë në disa barka të drurit dhe të gomës, afër qytetit perëndimor, Sabratha.

Trafikantët e njerëzve e kanë shfrytëzuar kaosin në Libi, prej përmbysjes dhe vrasjes së diktatorit, Muammar Qaddafi, në vitin 2011, për ta zgjeruar aktivitetin e tyre ilegal, por fitmiprurës.

Mbi 60 mijë migrantë këtë vit, e kanë kaluar rrugën nëpër Mesdheun qendror nga Libia për në Itali.

Por mbi 1,800 njerëz e kanë humbur jetën në përpjekje për ta kaluar Detin Mesdhe, prej fillimit të këtij viti, ka njoftuar Organizata Ndërkombëtare për Migrim.