FRODEM, anëtarësia të kërkojë dorëheqjen e Gruevskit

Edhe FRODEM ka reaguar ashpër ndaj festimit të djeshëm të përvjetorit të VMRO-së të cilën e quajtën festë familjare.

Nga FRODEM thonë se në atë festë ka pasur vetëm gënjeshtra dhe vetëlavdërime.

“Kush e di për të satën herë dëgjuam për armiqë të brendshëm dhe të jashtëm, si dhe mesazhe fëmijërore dhe blofe. Kjo ishte paradë e shtrenjtë e sigurimit të rremë. Pamë se si grumbull personash po vjedhin Maqedoninë dhe privatizojnë VMRO-DPMNE-në pa ndaluar shesin mjegull, madje edhe kërcënohen”, thonë nga FRODEM.

Nga FRODEM thonë se anëtarësia e VMRO-DPMNE-së duhet të kërkojë dorëheqjen e Gruevskit si dhe ta ndryshojë statutin që do të mundësojë marrëdhënie të mira brendapartiake.