Komisioni për Çështje Ekonomike, debat i ashpër i opozitës dhe pozitës për raportin e KRRI-së

 

“As nuk ka qenë i pavarur as nuk është i pavarur, por do të jetë i pavarur, do të jetë i pavarur në atë moment kur trupi rregullativ nuk do të marrë urdhra direkte se si të veprojë më energjinë elektrike, kur liqeni i Ohrit nuk do jetë rezervuarë për dëshirën e dikujt dhe të ketë mungesë të ujit dhe energjisë për të blerë me çmime të larta”,- u tha nga LSDM.

 

LSDM-ja doli me qëndrim se prolongimi i liberalizimit u pamundëson qytetarëve që të furnizohen me rrymë me çmime të ulëta. Kryetari i Komisionit Rregullator Energjetik tha se përvoja nga vendet e tjera tregon se çmimi i rrymës është rritur shumë në amvisëri, ndërsa këtu harxhuesit më të mëdhenj kanë çmime më të ulëta falë ndryshimeve tarifore.

 

“Të gjithë përdoruesit që kanë dalë në tregun e lirë, defakto edhe ajo që dëshmuan të gjithë tregtarët dhe furnizuesit, i kanë vërejtur zbritjet e çmimeve dhe kompensimin e përgjithshëm të energjisë elektrike. Kjo ka ndodhur jo për shkak të produktit energjetik, i cili importohet dhe eksportohet-shitet nga Maqedonia, por janë reformat tarifore që i ka sjellë Komisioni Rregullator Energjetik”,- theksoi kryetari i Komisionit Rregullator për Energjetikë, Dimitar Petrov.

 

Prezantimi i Raportit të Komisionit Rregullator për Energjetikë, i cili ngjalli shumë replika dhe kundërreplikave të ligjvënësve, përmban 141 faqe dhe i njëjti pritet që në të ardhmen të pësojë ndryshime.