Kolumbi, lirohen dy gazetarët holandezë të marrë peng

 

Rebelët e fraksionit ELN, Ushtria Çlirimtare Kombëtare, deklaruan se i kishin liruar ata ditën e premte, por pak më vonë e tërhoqën njoftimin.

 

Veprimi i tyre krijoi shqetësime për bisedimet e paqes mes rebelëve dhe qeverisë. Sidoqoftë, dy gazetarët holandezë u liruan në një zonë rurale në rajonin Katatumbo, në afërsi të kufirit me Venezuelën. 

 

Ministri i Jashtëm holandez, Bert Koenders mirëpriti lirimin duke e cilësuar një “lajm shumë të mirë” dhe falenderoi autoritetet kolumbiane të cilat punuan për të arritur këtë qëllim. 

 

Foto të publikuara nga Avokati i Popullit në Kolumbi tregonin holandezët të shoqëruar nga luftëtarë të armatosur të ELN-së që i dorëzoheshin delegacionit civil. 

 

Zyra e Avokatit të Popullit në Kolumbi, e njohur si Defensoria del Pueblo de Colombia, është një zyrë qeveritare kombëtare që mbikëqyr mbrojtjen e të drejtave të njeriut./Top Channel