Real Madridi prezanton fanellat e reja per sezonin 2014-2015

Skuadra me e famshme evropiane  Real Madrid ka vendosur të ndryshojë uniformat e dyta për sezonin e ardhshëm.

 

Kampionët e Europës kërkojnë të kenë një tjetër pamje pas fitimit të “La Decimas”, duke u nisur që nga ngjyrat e fanellalve që do të veshin në transfertë. Klubi Madrilen ka shfaqur imazhet e Gareth Bale dhe Karim Benzema të cilët mbanin veshur uniformat me ngjyrë rozë.

 

Gjithsesi uniforma e parë mbetet e pandryshuar, me ngjyrat e bardha tradicionale që do të mbizotërojnë në të gjitha takimet në shtëpi të klubit më të titulluar në Spanjë.

 

Cirstiano Ronaldo, Xabi Alonso, Sergio Ramos, Iker Casillas, Marcello, Bale dhe Benzema ishin të përzgjedhurit në formacionin e Carlo Ancelottit për të prezantuar uniformat e skuadrës për sezonin 2014-2015.

 

Paraqitja e parë sezonale e Realit të Madridit me bluzat e reja do të jetë në Superkupën e Europës që do të zhvillohet në Cardiff.