Shtyhet gjyqi për rastin “Maxhar Telekom”, ftesa në adresë të gabuar

Seanca gjyqësore për rastin “Magjar Telekom” është shtyrë për më 17 tetor për shkak se në gjykatë nuk u paraqit dëshmitari kryesor. Dëshmitari që nuk u paraqit është përfaqësues i “Kameni Most Komunikacii”.

 

Sipas avokatit mbrojtës, Nenad Janaqieviq, Gjykata në këtë rast ka dërguar ftesë për një person të gabuar.

 

“Është dorëzuar ftesa përmes Ministrisë së Drejtësisë deri te Ministria e resorit në Hungari dhe është kthyer nga atje se Imre Atila ka pranuar dokumentacionin e rregullt, por Imre Atila është person i gabuar. Unë këtë ia tregova Gjykatës dhe konsiderojmë se ka dorëzim të gabuar. Por, Gjykata konsideron se është ftuar, rrjedh procedura dhe gjykohet në mungesë”,- deklaroi avokati mbrojtës, Nenad Janakievic.

 

Sipas Janakieviçit, ka vërejtje për ekspertizat e bëra dhe janë parashtruar 75 pyetje për të cilat nuk ka marrë përgjigje. Ai më tej shtoi se të dënuarit në Gjykatën e Nju Jorkut nuk e kanë pranuar fajësinë, por kanë bërë marrëveshje me Gjykatën. 

 

Rasti “Magjar Telekom” ka marrë epilog gjyqësor në ShBA, ndërkohë në gjykatat e Maqedonisë rasti vazhdon të zvarritet. Për rastin në fjalë në Maqedoni nga ana e PPS-së janë hapur dy procedura, ndërsa nga Prokuroria Publike një procedurë.