Shënohet “Dita botërore e mjedisit jetësor”

Pesë qershori është “Dita botërore e mjedisit jetësor” dhe ka për qëllim ngritjen e vetëdijes për ndikimin e ndryshimeve klimatike mbi vendet e vogla nga tërë bota. Kjo ditë shënohet në mbi 100 vende nga e tërë bota.

 

Qytetarët e anketuar nga TVM2 thonë se jogjithmonë janë të përkushtuar për ruajtjen e ambientit.

 

”I riu vetëm vjen e shkel mbi bar dhe ikën. Mirë është kështu sikur  ta mbajmë, por ja qeset e plastikës i kanë hedhë aty”, tha një qytetar.

 

”Për popullin tonë kjo nuk është në rregull që lëshohen mbeturinat. Ato duhet me pas kujdes, prindi që i merr fëmijët me vete me pas një rregull se ky ambient për neve nuk ka të paguar dhe ka nevojë ky popull për ambiente të këtilla”, u shpreh një qytetar tjetër.

 

”Si nuk kujdesem, se pe shohim po dalim këtu me marrë ajër të pastër”, theksoi një qytetare. 

 

Shënimi i “Ditës botërore të mjedisit jetësor” filloi në vitin 1972 dhe u rrit në mjet kyç të Kombeve të Bashkuara për inspirimin e aksionit pozitiv për mbrojtjen e mjedisit jetësor.

 

Me rastin e “Ditës botërore për mbrojtjen e mjedisit jetësor” nëpër shumë vende të botës, po ashtu edhe në vendin tonë, janë organizuar aksione të ndryshme për pastrim të ambientit.