Gjykata administrative vendos Zhivko Mitrevskin kryetar legjitim të LSM-së

Kryetari i LSM-së, Mitrevski, tha se me këtë vendim është konfirmuar falsifikimi i dokumenteve. 

“Me vendimin konfirmohet se është bërë përpjekje për falsifikimin e dokumenteve dhe janë bërë një sërë shkeljesh në procedurën të cilën e kanë udhëhequr të ashtuquajturit liderë të sindikatave dhe ushtrues detyre kryetar të LSM-së”,- deklaroi kryetari i LSM-së, Zhivko Mitrevski.

Mitrevski ka kërkuar të respektohet vendimi i Gjykatës administrative dhe Darko Dimovski të japë dorëheqje të parevokueshme nga funksioni ushtrues detyre i Lidhjen së Sindikatës të Maqedonisë. Për një kohë të gjatë midis Mitrevskit dhe Dimovskit u zhvillua një kontest rreth asaj se kush është kryetar legjitim i LSM-së.