Shqipëri, situatë alarmante, 12 vatra zjarri në 24 orë

Situata me zjarret në Shqipëri është alarmante. Në 24 orët e fundit janë regjistruar 12 vatra zjarresh më konkretisht në qytetet Shkodër, Tiranë, Durrës, Elbasan dhe Fier.

Drejtoria e Përgjithshme e Emergjencave Civile njofton se po vazhdon punën dhe po mban në monitorim të gjitha vatrat e zjarreve në vend.

Forcat zjarrfikëse kanë ndërhyrë në të gjitha këto vatra, duke bërë të mundur kontrollimin e tyre.

Ndërkaq zjarret kanë kapluar edhe shtete të tjera, si Kroacinë, Malin e Zi, Greqinë, Portugalinë, Francën e Italinë. Ekspertët e lidhin këtë me ndryshimet klimatike, përkatësisht me valët e të nxehtit që kanë goditur Evropën.