Nadal - Djokoviç, në finalen e Roland Garros

Rafael Nadal është plasuar për herë të nëntë në finalen e “Grend Slemit” të dytë të sezonit, duke mos i dhënë asnjë mundësi për të bërë diç më tepër, kundërshtarit të tij Endi Marej.

Tenisti spanjoll, më lehtë se ç`pritej, arriti fitoren e 15-të në ballafaqimin e 20-të kundër skocezit, duke fituar bindshëm me 3-0 në sete, 6;3, 6:2 dhe 6:1.

Fituesi i tetëfishtë në “Roland Garros”, do të jetë pa dyshim favorit edhe në finalen e së dielës, edhe pse do të luaj kundër rivalit të tij më të madh, Novak Djokoviç.

Tenisti sërb, të cilit nga “Gren Slemet”  i mungon vetëm “Roland Garrosi”, ndaj surprizës më të madhe deri më tani, Ernest Gullbis, kishte vështirsi vetëm në setin e tretë, të cilin e humbi me rezultatin 6:3 në gejme.

Të tre setet tjera, i fitoj me rezultat identik, për finalen e tij të dytë në Francë. Xhokoviç, edhe në orvatjen e kaluar, në vitin 2012, ishte takuar po me Nadallin, kur kishte humbur me 3-1 në sete.

Ndryshe, në rivalitetin më të madh në historinë e tenisit, sipas meçeve të zhvilluara deri më tani, Nadall dhe Djokoviç do të takohen për herë të 42-të, me ç`rast deri më tani më i suksesshëm është Nadall, që ka fituar 22 herë, kundrejt 19 fitoreve të Djokoviç. (Mustafa Ademi, TVM2)