Debat për ndryshime në Ligjin për të drejtat e autorit

Projektligjin ministri i Kulturës, Robert Alagjozovski, e prezantoi në debatin publik, ku theksoi se ndryshimet synojnë zgjidhje të mirëfilltë. 

 

“Ministria e Kulturës për periudhën e ardhshme ka vendosur për qëllim të bëjë përpjekje të plota për krijimin e kushteve për përmirësimin e pozitës së autorëve dhe bartësve të të drejtave që në vitet e kaluara ishte lënë në margjina të shoqërisë tonë”,- theksoi ministri i kulturës, Rober Allagjozovski.

 

Ndërsa Bodan Arsovski nga industria e muzikës shpreson se ndryshimet ligjore do të jenë sipas standardeve evropiane. 

 

“Është vërtetuar se industrisë së muzikës në Maqedoni në mënyrë të padrejtë u është marrë licenca në dhjetor të vitit 2015. Tash aktualisht ju është rikthyer leja për punë. Të drejtat janë pronë private e artistëve, autorëve dhe prodhuesve. Është pronë e jona  dhe ne do të vendosim me përdoruesit si ajo do të shkojë më tej në përdorim”,- theksoi Bodan Arsovski nga Industria e Muzikës në Maqedoni.

Ministri i Kulturës, Allogjozovski, tha se nuk do të ketë licenca të reja deri në ndryshimet e Ligjit për të drejtat autoriale.