Australi, parandalohet një plan terrorist

Kryeministri australian, Malcolm Turnbull, ka bërë të ditur se policia ka parandaluar një plan terrorist që kishte qëllim rrëzimin e një aeroplani.

Policia ka filluar bastisjen në zonën e Sidney dhe kanë arrestuar katër persona. “Natën e kaluar është zhvilluar një operacion i madh kundërterrorizmit, për të ndërprerë një plan terrorist, i cili kishte cak rrëzimin e një aeroplani”, u ka thënë kryeminsitri Turnbull gazetarëve.

“Operacioni është duke vazhduar edhe sot”, ka shtuar tutje ai.

Komisioneri i Policisë Federale në Australi, Andrew Colivn, ka thënë se detajet janë ende të paqarta rreth asaj se ku ka qenë vendi dhe koha e saktë e sulmit të planifikuar.

Policia ka thënë se asnjëri nga katër të dyshuarit, nuk është akuzuar ende, dhe identitetet e tyre nuk është bërë i ditur.