Portugali, avioni përplaset në rërë, dy të vdekur

Një avion i vogël turizmi me dy vende,  bëri ulje të detyruar në plazhin e Sao Joao në Caparica.

 

Si pasojë, një 50 vjecar  dhe një fëmijë  8-vjeç  humbën jetën,  ndërsa pushuesit e tjerë u larguan të frikësuar drejt detit.

 

Avioni Cessna 152, nuk pësoi asnjë dëm. Pushuesit  panë avionin teksa fluturonte në kuotë të ulët mbi plazh, por nuk e  kuptuan se diçka po shkonte keq derisa ai nuk u përplas në rërë.

 

“Pashë avionin që po ulej gjithnjë e më shumë. Unë isha pranë detit dhe telefonova prindërit e mi. Avioni u ul në rërë duke goditur dy persona. Besoj se një tjetër u plagos, por nuk jam i sigurtë. Më duket shumë e çuditshme që u ul në plazh, por ndoshta i ka mbaruar karburanti”, shprehet deshmitari okular.

 

Viktimat kishin qenë duke marrë rreze dielli kur avioni bëri uljen emergjente. Vajza që humbi  jetën,  ishte së bashku me prindërit,  të cilët nuk morën asnjë lëndim.

 

Shkaku i uljes së avionit në plazh mbetet ende i paqartë.