E treta e vërteta për Shqipërinë, Franca dhe Italia ndahen me sukses në ndeshjet e fundit miqësore

Kombëtarja shqiptare në futboll, pas dy humbjeve radhazi kundër Rumanisë dhe Hungarisë, ka rigjetur fitoren.

Kuqezinjtë të dielën mbrëma në udhëtim mundën San Marinon me rezultat 0-3, në një ndeshje miqësore. Të përzgjedhurit e Gianni De Biasi në sfidën e mbrëmshme kanë treguar lojë të kënaqshme duke mundur San Marinon, kombëtare kjo që nuk është e nivelit të Shqipërisë. Mbrojtësi Mërgim Mavraja zhbllokoi rezultatin duke shënuar gol për Shqipërinë në minutën e 27-të.

Pesë minuta më vonë ekipi shqiptar dyfishoi epërsinë në 0-2 përmes Armando Vajushi në minutën e 32-të. Edhe në fraksionin e dytë, futbollistët e Shqipërisë ishin skuadër më e mirë në terren, ndërsa Emiljano Vila u përkujdes për golin e tretë në minutën e 73-të. 

Kjo ndeshje është luajtur në kuadër të miqësorev e që po zhvillon Shqipëria për eliminatorët e Evropianit 2016 që nisin në muajin shtator.

Franca ka shënuar tetë gola në portën e Xhamajkës, në një ndeshje miqësore që u zhvillua në Lille.

Gjelat e galit, kanë bërë një përgatitje të lehtë në duel me Xhamajkën, në miqësoren e fundit para fillimit të Kampionatit Botëror. Franca do të luajë në Botëror pa yllin Franck Ribery, i cili pësoi një lëndim në shpinë, por duket e fortë edhe pa mesfushorin e Bayern Munichut.

Dy sulmuesit ndoshta më të mirë të ri në Itali dhe Evropë, Çiro Immobile dhe Lorenco Insinje, u treguan edhe njëherë të gjithëve se mund të jenë kopja më perfekte në botërorin e Brazilit. Në miqësoren e zhvilluar kundër skuadrës braziliane Fluminense, përfaqësuesja e Italisë shënoi fitore 5:3, në ndeshjen spektakolare dhe të hapur që nga fillimi i saj.

Sigurisht se reparti defanziv i Italisë nuk ishte sa duhet i mirë edhe pse formacioni ishte i dytë, por do të ndryshoi dukshëm në botëror, ndërsa sa i përket sulmit, aty çdo fjalë është e tepërt.(Artan ZIBERI, TVM2)