Zgjedhjet lokale, KSHZ: Afati i fundit për listat, 14 shtatori

Në funksion të organizimit dhe mbajtjes së Zgjedhjeve Lokale më 15 tetor, Komisioni Shtetëror Zgjedhor, u është drejtuar të gjitha komunave, që të sigurojnë kushte teknike dhe hapësinore përkatëse për punën e komisioneve zgjedhore komunale.

Sa i përket afatit të fundit për paraqitjen e listave për kandidatë për Zgjedhjet Lokale, KSHZ njofton se në pajtim me Afatin për kryerjen e veprimtarisë zgjedhore, afati përfundimtar është 14 shtator 2017, e jo 9 shtatori 2017, siç u publikua në një pjesë të mediave.

11 gushti ndërkohë, ishte afati i fundit , brenda të cilit mediat e shkruara dhe ato elektronike ishin të obliguar t’i dorëzojnë çmimoret në Entin Shtetëror për Revizion dhe Komisionin Shtetëror për Parandalimin e Korrupsionit, kurse radidifuzerët t’i dorëzojnë në Agjencinë për Shërbime Mediatike Audio dhe Audiovizuele.