Tajfuni Hato godet Kinën, 12 të vdekur dhe 27 mijë të evakuuar

Tajfuni Hato preku tokën në qytetin Zhuhai në Guandong, duke sjellë erëra deri në 160 kilometra në orë. 153 persona kanë kërkuar ndihmë në spitalet e Makaut.

 

27 mijë njerëz u evakuuan, 2 milionë shtëpi mbetën pa energji elektrike, anijeve iu dha urdhër të kthehen në porte dhe u anulua edhe transporti hekurudhor dhe ai ajror. 

 

“Uji papritmas më vërshoi brenda shtëpisë. Shkova të kontrolloj makinën, por pashë disa njerëz që kishim mbetur në mes të ujit e nuk kalonin dot në anën tjetër të rrugës. Ua hodhëm një litar dhe i shpëtuam. Te ndërtesa pranë nesh dy njerëz kishim mbetur në mes të ujit, nuk e dimë a janë gjallë”,- theksoi një banor i zonës.

 

“90 punonjës po punojnë për të hapur rrugën nga drunjtë e shkulur. Po punojmë në një hapësirë prej 10 kilometrash”,- theksoi Departamenti i emergjencave në Zhuhai, Zhuang Zhenhua.

 

Sinjali i paralajmërimit në Hong Kong është ngritur në 10 - niveli më i lartë. Janë lëshuar alarmet për rrëshqitje dheu, përmbytje dhe katastrofa të tjera gjeologjike.