Rritja e rrogës minimale, qytetarët: Mirë, por duhet të paktën 18.000

Qytetarët janë të kënaqur me lëvizjen nga vendi të nivelit më të ulët të rrogës minimale në vend  por thonë se 12 mijë denarë janë shumë pak. Qytetarët e anketuar nga TVM 2, thonë se me një pagë minimale, qoftë edhe të rritur në 12 mijë denarë, nuk mund të mbijetohet pasi cdo gjë tashmë është shtrenjtuar shumë më tepër sesa përqindja e rrogave që rriten. Ata propozojnë që  paga minimale të jetë më së paku 18 mijë denarë.

 

 

 

 

“Më së paku 20 mijë denarë. Mendoj kështu sepse shpenzimet mujore janë shumë më të mëdha ndërsa gjërat elementare të jetës janë tepër të shtenjta”, thanë qytetarët e aketuar.

 

Po pritet mirë ndërkohë të votohet e të bëhet fuqiplotë vendimi për heqjen e taksës radiodifuzive. Sa i përket financimit të servisit publik, të anketuarit thonë se mënyra më e sgurtë do të ishte nga buxheti, në fund të fundit edhe buxheti mbushet nga qytetarët, prandaj është absurd që tu marrësh plus taksave të tjera, edhe 190 denarët e taksës radiodifuzive thonë ata. 

 

 

“Financimi i RTVM-s duhet të jetë përmes buxheti i shtetit e jo përmes qytetarëve. Sepse qytetarët nuk kanë pasur dhe nuk do kenë mundësi me këtë standard jetësor të paguajn taksën radiodifuzive”, thanë qytetarët e aketuar.

 

Me Propozim-ligjin për sigurim material të personave të papunë për shkak të privatizimit të ndërmarrjeve me pronësi dominante të shtetit, materialisht do të sigurohen mbi 3.500 persona të cilëve iu është ndërprerë marrëdhënia e punës në bazë të falimentimit, likuidimit apo tepricës teknologjike në periudhën prej vitit 1995 përfundimisht deri më 30 qershor të vitit 2017.

 

Të gjithë ata të cilët i përmbushin kriteret do të marrin kompensim mujor prej 7.596 denarëve. Me ndryshimet në Ligjin për shërbime audio dhe audiovizuale mediale, do të hiqet taksa radiodifuzive për të gjithë qytetarët.

 

Ndërsa nëse miratohet  ligji për pagën minimale, kjo do të thotë se në të ardhmen shuma do të jetë 12000 denarë.