Qytetarët porosisin partitë: Zgjidhni kandidatë që dëgjojnë çfarë do populli

Kryetarët aktualë tashmë pothuajse cdo ditë, mbajnë konferenca shtypi ku japin llogari për punët e kryera gjatë mandatit të kaluar. Shumë prej tyre shpresojnë edhe për një mandat të ardhshëm.

 

Teska politika kalkulon, TVM 2 doli në terren në disa qytete për të marrë mendimin e qytetarëve se si duan ta kenë komuën e tyre. Problemet e qytetarëve shqiptarë janë bazike, kërkojnë ujë, kanalizime, heqjen e deponive të egra dhe infrastrukturë më të mirë. 

 

“Ne s’po kërkojmë shumë, vetëm atë që kemi nevojë më së shumti, uji dhe kanalizimet të rregullohen. Gypat e ujsjellësit tashmë 44 vjet nuk ndërrohen, rjedhin dhe mes ditës nuk kemi ujë as për dush”, tha një banor i Çairit.

 

 

“Risi të reja Punësime investime të reja në infrastrukturën rrugore edhe në arsim”, thanë qytetar të Dibrës.

 

 

 

“Duhet të punojnë më tepër që kur e marrin pozitën, duhet të punojë, të shkojë katund më katund, të shohë si i ka hallet populli”, thanë banor të Tetovës.

 

Zërin e qytetarëve, politika e dëgjon gjatë fushatave zgjedhore, por është mirë ta dëgjojë në cdo kohë dhe nuk duhet të harrojnë, se fjala shërbëtor i popullit, është emri që merr cdo kryetar komune që në ditën që merr postin e tij dhe këtë duhet ta ketë parasysh gjatë gjithë mandatit.

 

Qytetarët kanë nevojë për ujë, kanalizime, qytete pa deponi, njësoj sic kanë nevojë edhe për skulptura, sheshe , shatërvanë, parqe dhe rrugë për këmbësorë e bicikleta.