Çeçenia ‘ngre zërin’, 1 mln njerëz në shesh kundër vrasjeve në Mianmar

Më shumë se 1 milion njerëz dolën në sheshin kryesor të kryeqytetit çeçen, Grozny për të protestuar kundër dhunës ndaj myslimanëve në Mianmar nga trupat qeveritare që po kryejnë goditje në shkallë të gjerë kundër pakicës Rohingya.

 

Tubimi që mbështeste Rohingya u mbajt të hënën në pjesën mbizotëruese muslimane të Rusisë. Dhjetëra mijëra protestuar u derdhën në sheshin përpara xhamisë kryesore të qytetit, ndërsa zyrtarët çeçen dhe udhëheqësit e komunitetit i folën turmës nga një skenë.

 

Ndër folësit ishte presidenti çeçen Ramzan Kadyrov, i cili përmes faqes së tij të Instagram kishte kërkuar më parë mbështetësve të tij për të dalë në protestë, ndërsa u kërkoi krerëve të botës për të dënuar atë që ai e quajti  “eliminimin” e Rohingyas në shtetin e tyre në Rakhinë.

 

Pakica myslimane prej më shumë se 1 mln njerëz në Mianmar është ndër më të shtypurat në botë.

 

Qeveria e Myanmar akuzoi forcat kundërshtare për djegien e shtëpive dhe vrasjen e civilëve, por aktivistët e të drejtave të njeriut fajësojnë forcat qeveritare për këto incidente, si pjesë e një fushate që synonte të detyronte largimin e popullatës nga Rakhinë.

 

Rreth 90,000 Rohingya kanë ikur nga dhuna përtej kufirit me Banglades, duke vënë në vështirësi këtë vend. Ekzistojnë rreth 1.1 milion njerëz që i përkasin pakicës etno-fetare që jetojnë në Mianmar dhe janë përndjekur nga qeveria e kombit kryesisht aziatik budist për dekada të tëra.

 

Fituesi i çmimit Nobel Aung San Suu Kyi, i përshkruar si një “ikonë e demokracisë” dhe “shpresa më e mirë” e Mijanmarit në mediat perëndimore, nuk i ka dhënë fund persekutimin që kur erdhi në krye të shtetit në prill 2016.  

 

Kritikët thonë Suu Kyi ushqeu konfliktin duke nxitur ndjenjat anti-Rohingya.

 

Ndër kritikët e dhunës në Mianmar është Papa Françeski, i cili ankohej “përndjekjen e pakicës fetare të vëllezërve tanë Rohingya”.