Merkel rrit presionin ekonomik ndaj Turqisë

Kancelarja gjermane, Angela Merkel ka kërkuar të rrisë presionin ekonomik ndaj Turqisë për të siguruar lirimin e shtetasve gjermanë të mbajtur në paraburgim.

Merkel e përshkroi si “të tepruar” faktin që disa shtetas gjermanë aktualisht ndodhen të burgosur në Turqi.

“Ne jemi munduar t’u sigurojmë të arrestuarve ndihmë konsullore , por , për fat të keq,  shpesh herë Turqia na e ka vështirësuar atë “, shtoi ajo. Gjithashtu, politikani i opozitës, Cem Oezdemir, lideri i të Gjelbërve, bëri thirrje për ushtrimin e presionit të mëtejshëm ekonomik ndaj Ankarasë dhe presidentit,  Recep Tayyip Erdogan.

Disa shtetas gjermanë, duke përfshirë dy gazetarë dhe një punonjës për të drejtat e njeriut, ndodhen aktualisht në paraburgim në burgjet turke, të akuzuar  për lidhje me terroristët.