Zyrtare: Rakitiç te Barcelona

Barcelona e ka gjetur shumë shpejt pasardhësin e Cesc Fabregas. Edhe pse të gjithë e kanë mendjen te Kupa e Botës "Brazil 2014" drejtuesit katalanas kanë mundur të firmosin një kontratë 5-vjeçare me mesfushorin kroat Ivan Rakitiç.

 

Ende nuk bëhen të ditura detajet e plota të marrëveshjes, por deri tani dihet që në operacion përfshihet lojtari i ri i Manchester City-t Denis Suarez, i cili do të huazohet për 2 vjet te Sevilla.

 

Rakitiç, i cili luan nesër sfidën e dytë të Botërorit ndaj Kamerunit, ishte njeriu kyç në suksesin e Sevillas në Europa League.