Brazili – Meksika, kryendeshja e ditës

Brazili dhe Meksika të martën do të zhvillojnë ndeshjen e dytë në Kampionatin Botëror, pasi të dyja në ndeshjen e parë kanë shënuar fitore.

 

Brazili mposhti Kroacinë me rezultat 3:1, ndërsa Meksika regjistroi fitore 1:0 ndaj Kamerunit. Kurse në takimin e sotëm të dyja skuadrat do të kërkojnë fitore në mënyrë që të marrin kreun në Grupin A.

Nikoqiri i kësaj gare, Brazili synon vetëm fitoren që do t’i mundësonte vendin e parë në grup, por edhe kualifikimin matematikor për në raundin tjetër.

 

Ndeshja tjetër do të jetë ajo ndërmjet Belgjikës dhe Algjerisë në kuadër të Grupit H, ndërsa për ne kosovarët do të ketë rëndësi të madhe për faktin se do të mund të shohim yllin kosovar me pasaportë belge, Adnan Januzaj.

 

Në program për ditën e sotme është edhe ndeshja tjetër e Grupit H ndërmjet Rusisë dhe Koresë së Jugut.

 

Belgjikë-Algjeri 18:00

Brazil-Meksikë 21:00

Rusi-Kore e Jugut 24:00