Reshjet e fundit të dëmshme për bujqësinë

Reshjet e shiut në këtë periudhë të vitit dëmton pothuajse të gjitha kulturat bujqësore, por më i theksuar është dëmi i shkaktuar te gruri, i cili është prekur nga disa lloje infektimesh, bëjnë të ditur ekspertët e agronomisë dhe bujqit. Ata po ashtu theksojnë se lagështia e tepërt ka shkaktuar rrëzimin e të mbjellave, gjë që pengon realizimin e korrjes së grurit. 

 

“Ky vit me të reshura, sidomos te llojet e ndjeshme, lirisht mund të them se infektimi është qind për qind dhe nuk ekziston gjeth i shëndoshë. Infektimi me paraqitje të një shenje ngjyrë kafe ka filluar që nga gjysma e parë e marsit, kur është dashur të fillojë trajtimi kualitativ”, deklaroi dekani i Fakultetit të Bujqësisë në Universitetin “Goce Dellçev”, Ilija Karov.

 

Bujqit që posedojnë makineri moderne, por edhe që mbjellin farë cilësore, e kanë më të lehtë të përballen me vështirësitë në kultivimin e kulturave bujqësore.

 

 

Në situata të këtilla bujqve u mbetet që të sigurojnë të mbjellat. Nga Ministria e Bujqësisë bëjnë të ditur se që nga viti 2008 qeveria mbulon 60% të sigurimit ndërsa vetëm 40% duhet ti mbulojnë vet bujqit.