Zaev: BE, NATO dhe fqinjët mbështetje reformave në Maqedoni

Dyert për bashkëpunim me shtetet tjera në botë janë të hapura, deklaroi kryeministri Zoran Zaev me tu kthyer nga Asambleja e 72-të e Përgjithshme e Kombeve të Bashkuara në Nju-Jork. Ai tha se e kemi mbështetjen për realizimin e qëllimeve tona shtetërore euro-atlantike, që do të sigurojnë jetë dinjitoze për qytetarët e Maqedonisë.

 

“Vendet anëtare të BE-së dhe NATO-s, dhe fqinjët tanë nga rajoni, i përshëndesin reformat pozitive dhe demokratike dhe politikat e dyerve të hapura që i ka filluar qeveria e Maqedonisë. Maqedonia shihet si vend i stabilitetit dhe përparimit të rajonit. Në planin ekonomik, shum kompani botërore dhe shtete, e shohin Maqedoninë si partner kredibil për bashkëpunim. Ka interesim të madh nga diaspora të përfshihet dhe të ndihmojë për përparimin e vendit”, tha Zoran Zaev, Kryeministër i Maqedonisë.

 

Zaev tha se mbetet që vendi t'i zbatojmë reformat nga Plani 3-6-9, dhe ti thellojmë mardhëniet e mira me fqinjët dhe bashkëpunimin rajonal. Ai njëherit theksoi se edhe në takimin në Nju Jork mes shefave të diplomacisë së Maqedonisë dhe Greqisë, është biseduar për ndërtimin e besimit, që të krijohet atmosferë e mirë para fillimit të bisedimeve. 

 

“Besoj se Maqedonija duhet të jetë e prëgaditur për zgjidhjen e këtij problemi pasi me zgjedhjen e tij automatikisht e marrim ftesën për anëtarësim në NATO, ndërsa besoj se gjërësisht do të hapen dyert edhe për fillimin e bisedimeve”, shtoi Zaev.

 

Sa i përket ligjit për gjuhët Zaev tha se ai është në përputhje me kushtetutën dhe Marrveshjen e Ohrit, nga e cila mbetet të punohet edhë pjesën e përfaqësimit të drejtë, jo vetëm në sektorin publik, por edhe në atë privat. Njëherit Kryeministri Zaev informoi se në Nju-Jork ka realizuar mbi 30 takime me liderë botërorë, përfaqësues të lartë të organizatave ndërkombëtare, biznesmenë dhe përfaqësues të diasporës së Maqedonisë.