Zgjedhjet lokale 2017, VMRO – DPMNE filloi fushatën zgjedhore

Kandidati për kryetar komune për qytetin e Shkupit nga radhët e VMRO-DPMNE-së, Koce Trajanovski, fushatën për zgjedhjet lokale e filloi nga Novo Lisice me paralajmërimin për ndërtimin e parqeve të reja dhe hapësirave të gjelbra në më shumë lokacione në Shkup. Trajanovski nga parku i ri në Novo Lisice tha se ky është parku më i madh në Shkup me një sipërfaqe prej 100 metrash katrorë, duke shtuar se në Komunën e Aerodromit do të ndërtohet edhe një tjetër  për të parandaluar ndotjen. 

 

"Tema kryesore dhe angazhimi im në periudhën e ardhshme do të jetë shëndeti i qytetarëve, d.m.th.  qytetarët dhe shëndeti i tyre në periudhën e ardhshme katërvjeçare. Për këtë qëllim ne do të punojmë në projekte që do të nënkuptojnë mbrojtjen e mjedisit dhe ambientit dhe kështu  konsiderojmë atë si një nga masat për mbrojtjen e shëndetit të qytetarëve të Shkupit. Në programin tonë të zgjedhjeve ne u kushtojmë vëmendje të veçantë masave kundër ndotjes. Këtu, në Komunën e Aerodromit, do të ndërtojmë edhe një park të madh prej 100 metrash katrorë, do të vendosim ulëse dhe do të mbjellim pemë të reja. Një park i ri është planifikuar tek Aleksandar Pallasi, rreth lumit Vardar, pastaj rikonstruim i plotë i parkut të qytetit duke pastruar liqenet dhe duke instaluar pajisje të reja urbane. Në katër vitet e ardhshme ne do të mbjellim pemë në disa vende në një sipërfaqe prej 500 metra katrorë”,- deklaroi kandidati i VMRO-DPMNE-së për kryetar në Qytetin e Shkupit, Koce Trajanovski.

 

Ai rikujtoi se gjatë tetë viteve të fundit ka punuar për ngritjen e një numri të madh të sipërfaqeve të gjelbra dhe mbjelljen e pemëve si një ndër masat për mbrojtjen e mjedisit dhe ajrin e ambientit në qytetin e Shkupit. “Ajo që kemi bërë në katër vitet e fundit janë projekte të mëdha. Një nga këto projekte është ky park, parku në Komunën Aerodromit, në një sipërfaqe prej 100 mijë metra katrorë”,- tha Trajanovski.

 

“VMRO-DPMNE, si një parti politike përgjegjëse, gjithmonë interesat e qytetarëve i vë në rend të parë. Gjithmonë punë, gjithmonë Kumanovë, gjithmonë Maqedoni është ajo pas së cilës VMRO-DPMNE është e njohur”,- tha Zoran Gjorgjievski, kandidat për kryetar të Komunës së Kumanovës nga  VMRO-DPMNE. Ai theksoi se në programin e tij është planifikuar ndërtimi i një infrastrukture komunale në tërë territorin e Kumanovës për një periudhë prej katër vjetësh, e cila do të mbulojë të gjithë infrastrukturën dhe rrugët e parealizuara në Komunën e Kumanovës, duke shtuar se përfshin asfaltimin e rrugëve dhe trotuareve, furnizimin me ujë, kanalizimin dhe ndriçimin. Sipas Gjorgjievskit, në këtë mënyrë Kumanova, nga qyteti më i ndotur dhe jourban, do të bëhet një mjedis modern dhe urban për jetesë të denjë të qytetarëve të Kumanovës.

 

 

Kandidati për kryetar të Komunës së Kumanovës Zoran Gjorgjievski, po ashtu paralajmëroi edhe  ndërtimin e një parku rekreativ “Uji i ftohtë”, ndërtimin e tre sallave sportive shkollore, ndërtimin e çerdheve, ndërtimin e  50 mini-parqeve për fëmijë, qendër të re të shkollës së mesme me zhvendosje të asaj ekzistuese, stacioni i ri i autobusëve ndërqytetor, ndërtimi i terreneve sportive në fshatin Pçinja, fshatin Rezanovcë, fshatin Biljanovce, lagjen Karposh dhe Agino, ndërtimin e një tregu të ri në vendbanimin Goce Dellçev, formimin e një zyre për ndihmën e  investitorëve dhe rikonstruimin e fasadave të objekteve në zonën qendrore të qytetit.  

 

Ndërkohë, kandidati për kryetar komune në Prilep nga radhët e VMRO-DPMNE-së dhe koalicionit, Marjan Risteski, në konferencën e mbajtur në qendër të qytetit tha se për 12 vite shumëçka është bërë për Prilepin dhe premtoi se do të vazhdojnë përpjekjet që Prilepi të jetë qytet bashkëkohor dhe i bukur për jetesë. Sipas tij, prioritet do të jetë zmadhimi i mundësive për punësim, tërheqja e investitorëve të huaj dhe projektet e reja për jetën e përditshme. “Si pushtet lokal prioritet do të jenë investimet në zonat industriale, tërheqja e investitorëve, zvogëlimi i papunësisë në qytet dhe infrastruktura në qytet”,- tha Marjan Risteski. “Ekipi prej 27 kandidatëve për këshilltarë nga radhët e VMRO-DPMNE-së dhe koalicionit është ekipi i duhur për realizimin e vizionit që Prilepi të jetë komunë e suksesshme”,- tha Risteski.