Holanda me shumë vështirs të mëdha kundër Australisë

Holanda as që ka imagjinuar se do ta has në rezistencë të fortë të Australisë. Holandezët humbjen e kthyen në fitore me rezultat 3:2.

 

Holanda shënoi fitoren e dytë më radhë në grupin B, por kësaj here shumë të vështirë me rezultat 3:2 kundër Australisë, e cila fascinoi me lojë të shkëlqyeshme.

 

Ndeshje dramatike deri në fund me kthesa në rezultat dhe me pesë gola të shënuara. “

 

Tulipanët” humbjen e kthyen në fitore dhe tash me 6 pikë prijnë në renditjen e grupit B në Kampionatin Botëror – Brazili 2014 në futboll. Për Australianët është humbja e dytë pas asaj me Kilin (3:1), ndërsa Holanda realizoi fitoren e dytë, ngase të parën e arriti me Spanjën me rezultat bindës 5:1.

 

Australisë i mbetet të zhvillojë edhe ndeshjen e fundit me Spanjën, ngase edhe teorikisht ka humbur shpresat për vend të dytë. Në minutën e 20-të, Arjen Robben me një shpejtësi të madhe futet brenda 16-shit, duke mos pasur mundësi asnjë mbrojtës të ndalë dhe me gjuajtje të fortë mposhti portierin australian dhe 0:1.

 

Pas një minute, McGoëan me mjeshtri pason një top në 16-shin holandez dhe Tim Kehill nuk e lë topin të bie as në tokë por me të parën godet furishëm duke lënë në pozicionin mat portierin Silesen. Në minutën e 53-të, penallti për australianët, pasi gjuajtja e Bozaniçit u ndalë me dorë nga Janmaat. Jedinak me mjeshtri kryen penalltinë dhe shënoi për 2:1 për australianët në minutën e 54-të.

 

Gëzimi i “Kangurëve” nuk zgjati më shumë se katër minuta, pasi holandezët ndërmorën një aksion të shpejtë kur sulmuesi Roben van Persie u gjend në pozitë të pastër dhe barazoi rezultatin 2:2.

 

Në minutën e 68-të, zëvendësuesi Memfis Depaj, prej 25 metrave dërgoi gjuajtje mjaft të fortë, ndërsa reagimi i portierit Rajan nuk ishte si duhet dhe topi përfundoi në rrjetë, 2:3. Holanda shënoi fitore sa të vështirë aq edhe të madhe, kurse australianëve ia ktheu shpinën fati sportiv dhe mbeten në kuotën e zero pikëve edhe pas xhiros së dytë.