ShBA bëhet gati për “Nate”, 22 viktima deri tani nga stuhia tropikale

Stuhia tropikale “Nate” ka marrë të paktën 22 jetë njerëzish në Costa Rica, Nicaragua dhe Honduras, ndërsa trajektorja e lëvizjes së saj është drejt Shteteve te Bashkuara të Amerikës.

Mbi 20 persona te tjerë rezultojnë të zhdukur, rreth 400 mijë njerëz në Kosta Rika janë pa ujë të rrjedhshëm e mijëra të tjerë po flenë nëpër strehime të përkohshme. Qendra kombëtare e uraganeve në Shtetet e Bashkuara të Amerikës parashikon deri në 38 cm shi me mbërritjen e stuhisë.

Banorët e Floridës dhe Teksasit, të përballur tashmë me furinë e motit, janë këshilluar të përgatiten edhe një herë për kapriçot e natyrës, ndërsa ende nuk e kanë marrë veten nga dëmet e uraganeve Harvey dhe Irma.