Moti i keq në Europë, 9 të vdekur në Gjermani e Poloni

“Xavier”, një stuhi me erëra të fuqisë së një uragani, ka shkaktuar 9 të vdekur në Europën veriore, ka rrëzuar pemë e ka krijuar kaos të trafikut.

 

Shtatë prej viktimave u shënuan në Gjermani e dy në Poloni, ku me dhjetëra banesa kanë mbetur pa energji elektrike për shkak të rënies së pemëve mbi linjat e tensionit të lartë. Në Gjermani, erërat mbërritën shpejtësinë 115 km në orë.

 

Probleme të mëdha pati në mënyrë të veçantë transporti hekurudhor me shumë orare trenash të anuluar e njerëz të bllokuar nëpër stacione.

 

Për shkak të stuhisë, një tren u evakuua në kufirin e Gjermanisë dhe Holandën dhe 400 udhëtarët në bordin e tij u dërguan në palestrën e një gjimnazi të zonës.

 

Ekspertët thonë se stuhia tani po lëviz drejt Rusisë.