Çmimi shtetëror “11 tetori”, fitues Vllatko Stefanovski dhe Amet Sherif

Stefanovskit iu nda çmimi për vepër jetësore në fushën e kulturës dhe artit, ndërsa dr. Amet Sherifit në fushën e arsimit dhe shkencës.

 

Çmimet i ndau akademiku, Mitko Maxhunkov, i cili tha se ato ndahen që të përkujtojmë veprat e personave të dalluar që kanë dhënë kontributin e tyre në krijimin e veprave artistike dhe shkencore.

 

“E pabesueshme është se çfarë rruge kam kaluar nga bodrumet në Lagjen Taftalixhe, kur isha i ri dhe tinejxher, kur më preokuponte dhe më intrigonte muzika dhe dekada më pas me mësim në këtë sferë arrita edhe te orkestra e Londrës dhe ta marr këtë çmim. Muzika ka qenë tërë jetën opsesioni im dhe është interesante se si një hobi me të cilin si i ri kam shqetësuar fqinjët, të shndërrohet në një veprimtari jetësore dinjitoze”,- u shpreh muzikanti, Vllatko Stefanovski.

 

Stefanovski ka kontribuar në etablimin e muzikës pop dhe rok, përmes grupit “Leb i soll”.

 

Ndërsa profesor, Amet Sherif, është këshilltar në Institutin e historisë nacionale dhe ka treguar rezultate të dukshme në fushën e studimit të periudhës osmane, civilizimit dhe kulturës.