Anti-korrupsioni pranon tre ankesa, shqyrton dhe tre të tjera

Shkarkimet dhe masat disiplinore ndaj Goran Simjanovskit, Sllobodanka Aleksovskit dhe Kiril Ançevskit janë zhvilluar në periudhën e procesit zgjedhor, konkluduan në mbledhjen e hapur anëtarët e komisionit.

 

“Vendimet të cilat merren këtu sipas Kodit Zgjedhor, më tej procedohen deri te ata të cilët i kanë bërë shkeljet e Kodit Zgjedhor,  me qëllim që t’i shfuqizojnë ato vendime që i kanë marrë gjatë procesit zgjedhor. Në qoftë se nuk ndodh kështu, më tej ka procedurë tjetër”,- deklaroi kryetari i Komisionit për Parandalimin e Korrupsionit, Igor Tanturovski.

 

Anti-korrupsioni, ndërkohë, hodhi poshtë parashtresën e ndërmarrjes IR-Grup-DOOEL nga Tetova kundër komunës së Bërvenicës për shpallje të thirrjes për furnizime publike.

 

Në mbledhjen e hapur janë pranuar në shqyrtim edhe tri parashtresa të tjera për keqpërdorim të financave gjatë fushatës zgjedhore.