Zgjedhjet Lokale 2017 - Bogoev: Banorët e Karposhit edhe një herë dëshmuan se janë avangarda e Shkupit

Kandidati për kryetar të komunës nga radhët e SLDM-së për komunën e Karposhit, Stefan Bogoev sonte deklaroi se me kënaqësi ia uroi humbjen Stevçe Jakimovskit, duke paralajmëruar revizion për punën financiare në komunë.

 

"Qytetarët e Karposhit edhe një herë dëshmuan se janë avangarda në Shkup dhe në Republikën e Maqedonisë. Dëshmuan se dinë me dinjitet, me nder dhe në mënyrë të kulturuar ta kalojnë ditën zgjedhore, në të vërtetë në atë mënyrë edhe e kaluam fushatën zgjedhore", tha Bogoev.

 

Qytetarët e Karposhit, siç tha, para saktë katër viteve e dhanë votën për përralla dhe janë manipuluar nga Stevçe Jakimovski.

 

Ai paralajmëroi revizion të punës financiare të komunës dhe të planeve të kontestuara detajore urbanistike./Mia