Drama e fëmijëve Rohingyja, UNICEF-i: 320 mijë fëmijë, refugjatë të rrezikuar

Më shumë se 320,000 fëmijë refugjatë myslimanë Rohingya kanë ikur nga Myanmar në jug të Bangladeshit që nga fundi i gushtit, ndërsa deri në 12,000 të tjerë po ikin nga dhuna çdo javë.

Alarmi jepet nga UNICEF-i në një raport të publikuar së fundmi. Sipas raportit, fëmijët refugjatë Rohingya përballen me një të ardhme të rrezikshme, pasi shumica e refugjatëve jetojnë në vendbanime të mbipopulluara. Kolera dhe kequshqyerja janë ndër rreziqet kryesore që kërcënojnë jetën e këtyre njerëzve.

UNICEF-i u kërkoi vendeve donatore t’u përgjigjen urgjentisht kërkesave për 434 milionë dollarë për të adresuar nevojat e menjëhershme të refugjatëve Rohingya dhe paralajmëroi se nuk mund të vazhdojë të ndihmojë refugjatët në Bangladesh pa “fonde të menjëhershme shtesë”.