Dhuna e 27 prillit, MPJ suspendon katër të punësuar

Edhe pse MPJ nuk i konfirmon suspendimet, nga Prokuroria Publike konfirmojnë se MPJ është e informuar zyrtarisht se nëpunësit e saj kanë qenë në Kuvend atë ditë dhe kjo vërtetohet nga xhirimet e kamerave të sigurisë. Ndaj katër të punësuarve, MPJ pritet të marrë masa disiplinore.

 

Tashmë sulmuesi i deputetëve në atë kohë dhe  ministres aktuale të Mbrojtjes, Sheqerinska, është dënuar me 4 vite burg, ndaj 8 personave të përfshirë në tentimin për vrasjen e liderit të Aleancës për Shqiptarët, Ziadin Sela, është marrë masa e paraburgimit  30-ditor.

 

Edhe Ministria e Brendshme ka suspenduar disa punonjës ndaj të cilëve janë marrë masa disiplinore, përfshirë edhe dy agjentët e DSK-së që tentuan të shkatërrojnë incizimet e memorizuara në hard-disqet e kamerave të sigurisë në Kuvend.