Sistemi “Akmis”, ekspertët vlerësojnë punën në Gjykatën e Apelit

Grupi punues në kuadër të Ministrisë së Drejtësisë gjatë javës do të vlerësojë se si ka funksionuar sistemi AKMIS për ndarjen e lëndëve gjyqësore në Gjykatën e Apelit, pas informacioneve se gjykatësit lëndët e Prokurorisë Speciale Publike i kanë ndarë vetë.

Pas vlerësimit pritet që grupi punues të njëjtin vlerësim ta bëjë në Gjykatën Supreme e më pas duhet të finalizohet edhe raporti i cili do t’i prezantohet publikut. Specialja tashmë ka bastisur banesën e Vlladimir Pançevskit dhe ka konfiskuar kompjuterin prej të cilit mendohet se ai ka udhëhequr me sistemin paralel të AKMIS-it.

Ministria e Drejtësisë kreu revizion të sistemit AKMIS për shpërndarjen e lëndëve në Gjykatën Penale të Shkupit dhe njoftoi se është përpiluar procesverbali për të. Edhe në raportin e Pribesë ishte vlerësuar se ekzistojnë indikacione për keqpërdorim të këtij sistemi. Para disa ditëve, kryetari i Gjykatës Supreme ka thënë se po bëjnë kontroll të vazhdueshëm të sistemit AKMIS.