ZL2017/Kasami: Fitoi LSDM-ja dhe humbi BDI-ja

Është shuar një parti shqiptare në Maqedoni dhe lirisht mund të llogaritet BDI si degë e LSDM-së, tha në pres konferencën e sotme kryetari i Lëvizjes Besa, Bilall Kasami duke shtuar se nëse merren parasysh votat e shqiptarëve Besa ka dyfishin e votave në krahasim me BDI-në.

 

"BDI-ja u shndërrua në degë të LSDM-së, sipas tij sonte është shuar BDI-ja dhe LSDM-ja është bërë sovran i shumicës së shqiptarëve. Nuk ka më BDI, por ka një degë më shumë të LSDM-së", tha Kasami.

 

Kasami duke  thënë se fitorja e BDI-së i dedikohet koalicionit të LSDM-së kërkoi edhe zgjedhje të parakohshme parlamentare.

 

Kryetari i Lëvizjes Besa shpalli humbjen për komunën e Tetovës dhe Çairit si dhe i falënderoi simpatizuesit e Besës dhe Aleancës që u angazhuan maksimalisht.

 

"BDI-ja fitoi me votat e LSDM-së kurse ne kemi fituar në të gjitha komunat me votat e shqiptarëve", tha Kasami./Mia