Dyshtetësia në Australi, “kurbani” i radhës bëhet kreu i Senatit

 

Ligji australian thotë qartë se, një person me nënshtetësi të dyfishtë nuk mund të zgjidhet, e pasi konfirmoi shtetësinë e tij të dytë britanike, Parry tha se do t’i bindet ligjit pa asnjë diskutim.

 

U desh ndërhyrja e Gjykatës së Lartë të Australisë për të shkarkuar disa prej zyrtarëve të lartë me nënshtetësi të dyfishtë, por Parry, i cili nuk ishte mes të dyshuarve, e ndërmori këtë hap vullnetarisht.

 

Ai tha se kishte kërkuar sqarime nga Ministria e Brendshme britanike dhe kjo e fundit e kishte lajmëruar se gëzonte automatikisht nënshtetësinë britanike, për shkak të babait të tij.

 

Gjesti i Parryt është duartrokitur nga klasa politike australiane, megjithëse kjo është bërë me zemër të thyer nga qeveria, pasi kreu i Senatit është anëtari i tretë i saj që humbet postin për shkak të nënshtetësisë së dyfishtë./Top Channel