Reagimi i partive politike për Kumanovën

Pas epilogut gjyqësor të rastit “Kumanova”, partitë politike me reagime të ndryshme.

Bashkimi Demokratik për Integrim kërkon hetim ndërkombëtar për zbardhjen e rastit. Në një komunikatë  pere media Integristet kerkuan nga Ministria e Punëve të Brendshme dhe autoritetit te sundimit të së drejtës që të përfshijnë ekspertë ndërkombëtar në hetimin e rastit si dhe të vendosin komunikim dhe bashkëpunim edhe me autoritetit e Kosovës dhe Shqipërisë në shkëmbimin e informacioneve drejt zbardhjes së tërësishme”, thuhet në reagimin me shkrim të BDI-së.

Aleanca për Shqiptarët vlerëson se vendimi i Gjykatës Penale paraqet dënimin më të madh ndonjëherë ndaj shqiptarëve në historinë e Maqedonisë. Aleanca për Shqiptarët fton faktorin ndërkombëtar të bëhet pjesë e zbardhjes së tërësishme të këtij procesi të montuar politik”, duke shtuar se epilogu i drejtë për këtë rast bashkë me reformat në drejtësi janë arsyeja e pjesëmarrjes së tyre në Qeveri. Sipas Lëvizjes Besa dënimi flet për vazhdimin e të njëjtës qasje të Qeverisë kur në pyetje janë shqiptarët. Ndërkaq dënime të këtilla ndaj shqiptarëve sipas Besës, jo vetëm që hapin dyshime, por lënë pasoja në marrëdhëniet ndëretnike në Maqedoni.