Mbi 100 të vdekur gjatë shpërthimit në një kamp refugjatësh në Siri

Mbi njëqind persona e humbën jetën gjatë shpërthimit të një automobili-bombë në kampin e refugjatëve në bregun lindor të lumit Eufrat, në paralagjen veriore të qytetit sirian Deir ez-Zor, lajmëruan mediuemt siriane.

 

Sipas burimeve të njejta, numri më i madh i viktimave janë gra dhe fëmijë.

 

Qendra siriane për monitorim të të drejtave të njeriut me seli në Londër kumtoi se sulmi ishte kryer nga një pjesëtar i grupit xhihadist Shteti islamik (SHI).

 

Sipas mediumeve shtetërore siriane, xhihadisti ka hyrë me automobil-bombë në qendër të kampit, pas çka e ka aktivizuar mjetin shpërthyes të vendosur në automobil.

 

Incidenti ka ndodhur në territorin nën kontroll të grupit kryengritës Forcat demokratike siriane, i cili mbështetet nga SHBA-ja./mia