Statusi i UNT-së në Kuvend kaloi leximin e parë, vazhdojnë procedurat

Pas fazës së parë pason mendimi i Qeverisë, ndryshimet e kërkuara në status dhe debatet në Komisionin juridiko-ligjdhënës.

 

Statusi rregullon organizimin e brendshëm të universitetit, detyrat dhe veprimtaritë, autonominë e sigurimin e cilësisë, financimin, veprimtarinë shkencore hulumtuese, bashkëpunimin me institucione të arsimit sipëror dhe titujt shkencorë.

 

Miratimi i statusit mundëson që të zhvillohen të gjitha aktivitetet sipas procedurave të parashikuara ligjore.

 

“Me miratimin e statusit të Universitetit “Nënë Tereza” krijohen kushtet që universiteti t’i vazhdojë të gjitha aktivitetet në procedurë ligjore, siç e dini Kuvendi, si themelues me shumicë votash, miratoi statusin e Universitetit “Nënë Tereza”, me këtë akt, pra statusin, universiteti mund t’i vazhdojë të gjitha aktivitetet e parapara”,- deklaroi kryetari i Komisionit për Arsim, Shkencë dhe Kulturë, Petar Atanasov. 

 

Statusi i universitetit përcakton se Universiteti “Nënë Tereza” në Shkup është institucion publik i arsimit sipëror, ku përshihen Fakulteti i Ndërtimtarisë dhe Arkitekturës, Fakulteti i Shkencave Informatike, Fakulteti i Shkencave Teknike, Fakulteti i Shkencave Teknologjike dhe Fakulteti i Shkencave Sociale.