Mançevski: Sajber - sulmuesit paraqesin kërcënim për të gjithë, Sheqerinska: Sajber - sulmuesit janë gjithmonë një hap para nesh

Nëpërmjet përforcimit të politikës kibernetike, qeveria duhet patjetër të bëjë gjithçka që është në kompetencë të saj, që të sigurojë privatësinë e qytetarëve në njërën anë dhe nga ana tjetër të sigurojë siguri nacionale gjithëpërfshirëse. Operatorët e shërbimeve kyçe duhet të kenë obligim ligjor që të ndërmarrin masa teknike edhe në organizata, me qëllim që të menaxhojnë me rreziqet e rrjeteve. Kështu deklaroi  ministri për Shoqëri Informatike dhe Administratë, Damjan Mançevski, në panel-diskutimin për siguri kibernetike.                                                                     

“Sajber sulmuesit paraqesin kërcënim të përbashkët për secilin. Për  qytetarët, konsumatorët, qeverinë, gazetarët, për të gjithë. Ashtu siç është bërë më parë në kohën e luftërave, janë krijuar aleanca për mbrojtje nga armiqtë, këtë duhet ta bëjmë edhe ne, që në mënyrë të koordinuar t’i përgjigjemi sulmuesve të kibernetikës”,- deklaroi ministri për Shoqëri Informatike Dhe Administratë, Damjan Mançevski.                             

“Rreziqet janë gjithmonë një hap para nesh dhe fuqia e kësaj teme kalon nga duart e shtetit në duar e grupeve të caktuara, ndonjëherë për të mirë ndonjëherë në qëllime të rrezikshme. Të gjithë jemi më të shpejt, më të informuar, më efikas, si rezultat i teknologjisë, por ndoshta në fillim nuk ishim të vetëdijshëm sa kjo mund të rrisë rreziqet në privatësi, biznes - interes dhe rrezik të sigurisë shtetërore”- tha ministrja e Mbrojtjes, Radmilla Sheqerinska.

Siguria e politikës kibernetike është edhe prioritet i NATO-s që u vendos në Samitin e Wellsit, tha ministrja Sheqerinska, ndërkaq edhe direktivat e BE-së kërkojnë sigurim të nivelit të lartë të sigurisë së rrjeteve dhe sistemeve informative, u tha në panel-diskutimin e sotëm. (Nermin Mulaki-Fejzullahu, TVM2)